ასოციაცია "მშვიდობიანი და საქმიანი კავკასია"

ხალხთა შორის ურთიერთობები, კონფლიქტების მოგვარების სამსახურში.

ინფორმაცია

2015 წლის  7 გვისტოს ქ. ქუთაისში, გუგუნავას ქ. #1-ში,  აფხაზეთის ავტონომიური რესპუბლიკის მთავრობის  მიერ შექმნილ  სსიპ "აფხაზეთიდან იძულებით გადაადგილებულ პირთა  სტაჟირების, კვალიფიკაციის ამაღლების  და დასაქმების ხელშეწყობის ცენტრი"ბიზნესინკუბატორს"   აფხაზეთის ა.რ.  მთავრობის თვმჯდომარე  ბ-ნი  ვახტანგ ყოლბაიას ინიციატივით,  იმერეთის სახელმწიფო რწმუნებული-გუბერნატორი  ბატონი  გივი ჭიჭინაძე ეწვია.

 ბატონი გივი ჭიჭინაძე დეტალურად გაეცნო "ბიზნესინკუბატორში" შემოყვანილ, საიჯარო ხელშეკრულებების საფუძველზე მოქმედ მცირე ბიზნესის წარმომადგენელ კომპანიებს,   სოციალური საწარმო „თერნალი+“-ს და მისი პარტნიორ  ხონის რ-ნ სოფ. დედალაურში შექმნილ სასოფლო-სამეურნეო კოოპერატივ   "ეკომიგრანტ"-ს (მისი წევრები 1989 წელს მეწყერის შედეგად აჭარიდან გადმოსახლებული),  ასოციაცია "მშვიდობიანი და  საქმიანი კავკასია“ -ს  (ამსკ)  მიმდინარე საქმიანობებს, მათ  სამომავლო გეგმებს.

 ასევე, დეტალურად გაეცნო და მოიწონა აფხაზეთის ა.რ. მთავრობისა და USAID/NEO-ს მიერ ერთობლივად ინიცირებული მცირემიწიანი დამწყები ფერმერებისთვის სასწავლო/სადემონსტრაციო, ორგანული სასათბურე მეურნეობის  მოწყობის და საგამოფენო-სავაჭრო პავილიონის პროექტი, რომლის განხორციელებაში  "ბიზნესინკუბატორთან" აქტიურად თანამშრომლობენ  აფხაზეთის ა.რ. სოფლის მეურნეობის, გარემოს დაცვისა და ბუნებრივი რესურსების დეპარტამენტი (თავმჯდომარე ვალერი ბასარია), აფხაზეთის ა.რ.  ფინანსთა და ეკონომიკის სამინისტრო (მინისტრი მურმან ფარფალია), სხვა სამსახურები. სამუშაოები დასრულების ფაზაშია.

ბოლოს საქმიანი საუბარი შედგა ოფისში. ბ-ნმა გივი ჭიჭინაძემ განაცხადა, რომ  იმერეთის სამხარეო ადმინისტრაციასა  და "ბიზნესინკუბატორს"  შორის ნაყოფიერი თანამშრომლობის  ძალიან კარგ შესაძლებლობას ეყრება საფუძველი და ითხოვა მიეწოდოს მას  საპროექტო იდეები, წინადადებები, პროექტები,  პოტენციურ ინვესტორებთან  წარსადგენად, რათა ხელი შეეწყოს  "ბიზნესინკუბატორი"-ს  საქმიანობის ეფექტურობის ამაღლებას, იძულებით გადაადგილებულ პირთა დასაქმებისკენ  ორიენტირებული პროექტების შემუშავებას. მან  აფხაზეთის ა.რ.  მთავრობასა და "ბიზნესინკუბატორს"  ხელშეწყობა აღუთქვა.

  ღონისძიების დასასრულს,  აფხაზეთის ა.რ. მთავრობის თავმჯდომარემ ბ-ნმა ვ. ყოლბაიამ  მადლობა  გადაუხადა ბ-ნ გივი ჭიჭინაძეს და განაცხადა:ადგილობრივი ხელისუფლების მხარდაჭერით და საერთო ძალიხმევით, ერთობლივად განვახორციელებთ იმ პროექტებს,   იმ გეგმებს, რომელიც „ბიზნესინკუბატორი"-ს  წინაშე დგას. "ბიზნესინკუბატორი"-ს სრულად   ამუშავება კი - სასიცოცხლოდ აუცილებელია  დევნილი მოსახლეობისთვის."

 სსიპ "ბიზნესინკუბატორი"-ს ხელმძღვანელობამ  იმერეთის სამხარეო ადმინისტრაციას 10 აგვისტოს მიაწოდა  ეკონომიკური  განვითარებისკენ  მიმართული  იდეები  და  მოსაზრებები.

 

 

წაკითხული 1086 ჯერ